UQUI PERMUI

UQUI PERMUI deseñou a marabillosa imaxen da exposición. O nabo como misil terra-terra, nesta guerra do tempo. Pedímoslle que se explicara un pouco máis e...


"AMIGO —e isto?

DESEÑADORA —un nabo…

A —non, iso xa o vexo…

D —é a imaxe para a exposición Casus Belli, a exposición pretende cuestionar o contexto de recepción  da obra, e os conflitos de recepción que con leva unha obra cando se presenta cara ao público… –comenta a deseñadora, mentres saca da carpeta outras gráficas–

A —esa é chula…

D —si, pero a descartamos por ser demasiado evidente, nos primeiros bosquexos, fun directo as sinais gráficas sobre a reutilización do material e a cruz de “eliminación”. Dende as primeiras conversas que tiven cos comisarios, lembreime da imaxe gráfica da decima Documenta (a X que tachaba o D) sempre me pareceu moi afortunada.

A —e esta?

D —si, esta podaría ser… pero o nabo é máis potente… dende que fixen o nabo non me vale ningunha outra.

A —Semella un ramo de bombas antiaéreas… é por iso? Casus Belli

D —non… –di ríndose– non pensara en iso… penso que o nabo e a nabiza funciona como un emblema, sobre o visible e o invisible, é dalgún xeito a refutación do contexto, depende de onde naza pode ser aceptada ou rexeitada unha parte dela… e non sempre a mesma."

(Uqui Permui)